Um okkur

Á bak við Prjónakerlingu stendur Hélène Magnússon, hönnuður.

 

“Mér finnst gaman að bregða á leik með íslenskar prjónahefðir. Hönnun sem hefur sterk tengsl við Ísland og íslenska menningu höfða sérstaklega til mín. Hefðbundin munstur sem eru sett í nýtískulegt samhengi vekja áhuga min. Prjónakerling er fyrsta íslenska prjonaritið á netinu. Á síðunni getið þið fundið frábærar uppskriftir eftir sjálfa mig og aðra sjálfstæða hönnuði, og einnig áhugaverðar greinar um Ísland.

Óþrjótandi áhugi minn á hinni íslensku prjónahefð, ásamt reynslu minni sem fjallaleiðsögumaður á Íslandi, er hvatinn að prjónaferðunum mínum. Ferðirnar bjóða upp á blöndu af stórfenglegri íslenskri náttúru, íslenskri menningu og prjónanámskeiðum.”

Hélène er frönsk að uppruna. Hún lauk meistaraprófi í lögum og starfaði um skeið sem lögmaður í París. Árið 1995 söðlaði hún um og flutti til Íslands þar sem hún vann árum saman sem fjallaleiðsögumaður meðfram því að læra textíl og fatahönnun við Listaháskóla Íslands. Hún útskrifaðist árið 2005. Hún er einna þekktust fyrir rannsóknir sínar á íslensku rósaleppaprjóni og gaf í því samhengi út bókina Rósaleppaprjón í nýju ljósi sem nú er fáanleg á þremur tungumálum. Hún hefur tekið þátt í fjöllmörgum hönnunarsýningum á Íslandi og erlendis og verk eftir hana hafa verið birt í virtum tímaritum svo og bókum.

 

 

 

Samstarfsaðilar

Íslenskir fjallaleiðsögumenn byggja á rúmlega fimmtán ára reynslu af að sinna ferðamönnum frá öllum heimshornum og hafa þannig náð að skipa sér í fremstu röð ferðafyrirtækja á landinu í dag. Fyrirtækið býður upp á spennandi úrval ævintýraferða á Íslandi og á Grænlandi og fer með fólk í fjallgöngur, jöklaferðir, bakpokaferðalög, ísklifur og gönguskíðaferðir.

Handprjónasamband Íslands var stofnað í nóvember árið 1977. Þá ákváðu nokkrar konur, sem fram að því höfðu prjónað til að afla sér aukatekna, að sameina krafta sína og stofna samband í þeim tilgangi að eiga auðveldara með að koma prjónuðum vörum sínum í verð. Tæplega 1000 manns mættu á stofnfundinn sem haldinn var í Reykjavík. Fljótlega eftir stofnun sambandsins var fyrsta verslun þess opnuð þar sem meðlimir seldu handprjónaðar vörur. Búðin er enn við lýði og býður nú til sölu mikið úrval af ullarbandi frá Ístex.

Ístex kindly provides yarn support for all the projects using their wool.