Starri

“Starri vettlingarnir mínir, með sínu myndræna munstri,eru nútímaleg útgáfa af norsku vettlingunum.” Uppskrift eftir Hélène Magnússon.

Til baka í Grýlu Collection

pdf

Starri uppskrift

3 €

kit

Starri Kit (garn en ekki uppskrift)

24 €

Sagan á bak við uppskriftina

Hélène segir frá
Um hönnuðinn

Grýla Collection: 
íslenskir vettlingar & Litir náttúrunnar

Hefðbundnir íslenskir vettlingar eru mjög fjölbreyttir. Á 19. öld, tídkuðust svo kallaðir norskir vettlingar. Þeir voru oftast prjónaðir með fíngerðu heimaspunnu tvíbandi. Starri vettlingarnir mínir, með sínu myndræna munstri,eru nútímaleg útgáfa af norsku vettlingunum. Innblástur kemur frá starra í reyniberjatré en þeir eru orðnir algeng sjón í görðunum í bænum að hausti til.

Vettlingarnir eru prjónaðir í hring með tvíbandaprjóni og Grýlu Tvíbandi og mótaðir með úrtökum. Merkt er fyrir þumli með aukabandi og síðan er hann einnig prjónaður í hring. 

Uppskriftin fylgir skýringarljósmyndir af aðferðum og útsaumi.

Grýla Tvíband er fallegt og fíngert band úr hreinni íslenskri ull, þróað af Hélène Magnússon. Tvíbandið er spunnið úr sérvalinni hágæða íslenskri ull í verksmiðju á Ítalíu.
Grýla Tvíband er mjög sterkt, en þó sérlega létt og hlýtt, og nýtist einstaklega vel til dæmis í fíngerðum vettlingum. Eftir þvott mýkist ullin og fær að njóta sín til fulls.

Um hönnuðinn

Hélène Magnússon finnst gaman að bregða á leik með íslenskar prjónahefðir. Hún vann árum saman sem fjallaleiðsögumaður meðfram því að læra textíl- og fatahönnun við Listaháskóla Íslands. Hún hefur tekið þátt í fjölmörgum hönnunarsýningum á Íslandi og erlendis og verk eftir hana hafa verið birt í virtum prjónatímaritum svo og bókum. Hún rekur vefsíðuna prjónakerling.is og bíður einnig upp á spennandi göngu- og prjónaferðir fyrir erlent jafnt sem íslenskt prjónafólk. Ferðirnar eru óviðjafnanlegt tækifæri til þess að kynnast ólíkum prjónaaðferðumí hópi fólks frá mismunandi löndum þar sem prjónið verður aðal tungumálið!

Ull, stærðir & upplýsingar

Uppskriftin

Stærð: ein stærð. Hægt er að fá fleiri stærðir með því að skipta um prjónastærð (2,25 til 3,25 mm eru hæfilegar prjónastærðir).

Prjónfesta: 10x10 cm = 30 L og 34 umf með tvíbandaprjóni á prjón 3 mm.

Garn: Grýla Tvíband frá Hélène Magnússon, 100% ný ull, 100% íslensk ull, fínt band, tvinnað, 25 g/hespa = u.þ.b. 112 m

Aðallitur: hvítur, 2 hespur (116 m notaðir)

Aukalitur 1: svartir, 1 hespa (54 m notaðir)

Aukalitur 2: raudur, 1 hespa (minna en 4 m notaðir)

Samtals notað af garni: 170 m

Annað: prjónamerki, stoppunál og oddhvöss nál.

Aðferð: prjónað í hring, tvíbandprjón, ùtsaumur

Uppskrifthún kemur sem PDF niðurhal en er ekki send í pósti.

Kit: Pakkinn inniheldur garn en ekki prjóna eða önnur áhöld. Sendingarkostnaður er ekki innifalinn í verði. Uppskriftin fylgir ekki með prjónapakkanum og þarf að kaupa sér.

Errata: því miður fannst villu. Sjá leiðrétting.

Uppskriftir keyptar eftir 6.febrúar 2015 eru réttar.