Skotthúfa

Skotthúfan hennar Ingibjargar Guðjónsdóttur varð til við innblástur frá hinni upprunalegu skotthúfu Hólapilta og prjónuðu kvenskotthúfunni. Hún er handprjónuð, þæfð og meðhöndluð af ást, til að veita sem besta vörn gegn umhleypingasömu íslensku veðri. Skotthúfan heldur í öll helstu einkenni gömlu skotthúfunnar sem hún byggir á, en hólkurinn er hér í nútímalegri útgáfu úr ryðfríu stáli.

Til baka í Tölublað 01 – Haust 2010

pdf

Skotthúfa Uppskrift

3 €

product

Hólkur úr ryðfríu stáli

27 €

Sagan á bak við uppskriftina

Lestu um Ingibjörg Guðjónsdóttur
og skotthúfuna hennar

Ingibjörg Guðjónsdóttir er þaulvön fjallakona. Hún vinnur sem leiðsögumaður og fer ótroðnar slóðir, hvort heldur hún er á Íslandi eða á Grænlandi.

"þaulvön fjallakona"

Auk leiðsögumannaprófsins er hún med meirapróf og getur því keyrt ykkur hvert sem er á hálendinu eða uppi á jökli. Hún hefur einnig stundað nám í ferðamálafræði og þjóðfræði sem gerir hana að mjög fróðum og skemmtilegum ferðafélaga. Svo talar hún auðvitað fjöldan allan af tungumálum.

"elda fínasta mat uppi á fjöllum, í tjaldútilegu"

Ingibjörg er líka afbragðs kokkur sem kemur sér aldeilis vel fyrir þá sem ferðast með henni. Hún hefur meira að segja skrifað bók, Með veislu í farangrinum, um hverning hægt er að elda fínasta mat og notast við hráefni úr íslenskri náttúru þegar maður er á ferðalagi, hvort sem það er uppi á fjöllum, í tjaldútilegu eða í sumarbústað. Að lokum má ekki gleyma að minnast á, eins og henni væri ekki þegar nóg til lista lagt, að Ingibjörg er líka prýðilegasti prjónari.

Það skal því engan undra að við fengum hana til liðs við okkur sem bílstjóra og kokk í prjónaferðinni Knitting in the wild North þar sem prjónahönnuðurinn YsoldaTeague var gestakennari, í byrjun September 2010. Það sem fólk veit þó yfirleitt ekki um hina hæfileikaríku Ingibjörgu, er að hún er einnig menntaður fatahönnuður. Hér birtir hún sína fyrstu prjónauppskrift sem er einföld í framkvæmd en mikið útpæld og vel hönnuð flík.

 

 

 

 

 

 

 

 

 

 

 

“Skotthúfan mín varð til við innblástur frá hinni upprunalegu skotthúfu Hólapilta og prjónuðu kvenskotthúfunni. Hún er handprjónuð, þæfð og meðhöndluð af ást, til að veita sem besta vörn gegn umhleypingasömu íslensku veðri.”

 

 

 

 

 

 

 

 

 

 

 

Skotthúfan hennar Ingibjargar heldur í öll helstu einkenni gömlu skotthúfunnar sem hún byggir á, til að mynda skottið og skúfinn. Hólkurinn sem hylur samskeyti skotts og skúfs er hér í nútímalegri útgáfu úr ryðfríu stáli.

Ingibjörg selur hönnun sína í nokkrum völdum búðum, meðal annars í verslun Þjóðminjasafns Íslands.

Upplýsingar og tækni

Uppskriftin

Stærðir: S(M,L)

Prjónfesta: skiptir ekki máli

Garn: Álafoss Lopi, 100% ull, 100 g/dokkan, 100 g = ca. 100 m. 2 dokkur þarf fyrir allar stærðir. Prjónað er úr garninu tvöföldu.

Prjónar og efni: sokkaprjónar 12 mm; prjónamerki, stoppunál, hólkur úr ryðfríu stáli. Hægt er að skipta hólknum út fyrir silfurlitt garn.

Aðferð: prjónað í hring, þæfd.

Uppskrift: hún kemur sem PDF niðurhal en er ekki send í pósti.

Kit: Pakkinn inniheldur garn en ekki prjóna eða önnur áhöld. Sendingarkostnaður er innifalinn í verði. Uppskriftin fylgir með prjónapakkanum sem PDF niðurhal en er ekki send í pósti.

Errata: engan villa fannst.