Gamaldags

Gamaldags peysan hefur sannarlega hefbundið munstur þótt það bjóði upp á nútímalega litasamsetningu. Það sem hins vegar er “ekki gamaldags” við peysuna er aðskorið sniðið, flegið hálsmálið sem Hélène Magnússon er þekkt fyrir og sérlega kvenlegt yfirbragð. Uppskriftin gefur bæði leiðbeiningar til að búa til opna peysu og peysu, og einnig styttri útgáfu.

pdf

Gamaldags uppskrift á íslensku

6 €

kit

Gamaldags KIT (garn en ekki uppskrift)

frá 22,50 € til 94 €

Litasamsetning:


Stærð:

Sagan á bak við uppskriftina

Hélène segir frá
Um hönnuðinn

Lopapeysan er liklega sú flík sem telst einna mest áberandi fulltrúi íslensks prjónaskapar í dag. Þó er lopapeysan nokkuð nýlegt fyrirbæri sem leit dagsins ljós á 4. og 5. áratug síðustu aldar og varð mjög vinsæl upp úr 8. áratugnum.

Hefðbundnar lopapeysur eru prjónaðar í hring og hafa ekki framhlið eða bakhlið. Þær hafa oftast beint snið og eru gjarna víðar. Síðustu ár hef ég hannað lopapeysur sem ég hef sníðað nær líkamanum, með flegnari axlarstykkjum og öðruvísi mynstrum (t.d. peysurnar Brynja, Fimmvörðuháls eða Lopi Affection). Í línuna mína vantaði peysu með hefðbundnara mynstri: lopapeysa sem ég hef nefnt “Gamaldags” fyllir nú þetta skarð.

Gamaldags peysan hefur sannarlega kunnuglegt mynstur þótt það bjóði upp á nútímalega litasamsetningu. Það sem hins vegar er “ekki gamaldags” við peysuna er aðskorið sniðið, flegið hálsmálið sem ég er þekkt fyrir og sérlega kvenlegt yfirbragð.

Uppskriftin gefur bæði leiðbeiningar til að búa til opna peysu og peysu, og einnig styttri útgáfu.

Um hönnuðinn

Hélène Magnússon finnst gaman að bregða á leik með íslenskar prjónahefðir. Hún vann árum saman sem fjallaleiðsögumaður meðfram því að læra textíl- og fatahönnun við Listaháskóla Íslands. Hún hefur tekið þátt í fjölmörgum hönnunarsýningum á Íslandi og erlendis og verk eftir hana hafa verið birt í virtum prjónatímaritum svo og bókum. Hún rekur vefsíðuna prjónakerling.is og bíður einnig upp á spennandi göngu- og prjónaferðir fyrir erlent jafnt sem íslenskt prjónafólk. Ferðirnar eru óviðjafnanlegt tækifæri til þess að kynnast ólíkum prjónaaðferðum í hópi fólks frá mismunandi löndum þar sem prjónið verður aðal tungumálið!

Ull, stærðir & upplýsingar

Uppskriftin

Stærðir: 1,2(3,4,5)6,7,8(9,10,11)
Aðsniðin peysa: veljið stærð sem er næst ykkar máli (með 0-5 cm svigrúmi). Veljið næstu stærð fyrir ofan ti að fá lausari peysu. Peysan og opna peysan á myndunum eru í stærð 4.

Tilbúin mál: (cm)
A: Yfirvídd: 82,86(92,96,100)103,106,112(120,123,127)
B: Mjaðmir: 87,91(96,100,104)107,111,117(124,128,132)
C: Mitti : 71,75(81,82,86)89,93,97(104,108,112)
D: Lengd bols að handvegi : 39,40(42,44,45)46,47,49(50,51,52
D’: Styttri lengd: 35,36(38,39.5,40.5)41.5,42.5,44(45,46,47)
E: Lengd axlarstykkis á baki: 16,16(17,17,17)17,18,18(18,18,18)
F: Ermalengd að handvegi: 44,45(45,46,47)48,49,50(51,51,52)
G: úlnliður: 18,18(20,20,20)22,22,22(24.5,24.5,24.5)
H: Upphandleggur: 27.75,30(32,34.5,36.5)40,41,42(43.25,44.5,46.5)

Prjónar: hringprjónar nr 4 og 4,5. Töfralykkju-aðferðin (e. Magic Loop) er notuð til að prjóna ermar og háls en einnig má nota sokkaprjóna.

Prjónfesta: 10 x10 cm = 18 L og 24 umf í sléttu prjóni á prjón nr 4,5. Skiptið um prjónastærð ef þarf, til að ná réttri prjónafestu.

Garn: Léttlopi, 100% ný ull, 50g/dokkan, 50g = 100 m:
aðallitur : 7,7(8,8,9)9,10,10(11,11,12) dokkur
aukalitir : 1 dokka hvort

Litasamsetningar á myndum:

  • Hvít opin peysa : aðallitur #0051, aukalitir #0053 og #1419
  • Gráa peysa: aðallitur #0054, aukalitir #1406, #1404 og sérlitaðar litir af Handprjónasambandi Íslands: skærbleikt, skærgult og skærrautt.
  • Blátt-brúnt munstrið: aðallitur Einrúm L + 2, Léttlopi og thai silk #5444; aukalitir #1404, #0051, #0085, #0867

Garnið er til sölu á prjónakerling.is

Annað: opin peysa : 10 eða 11 tölur, ef vill, borði sem er tvöföld lengd á framhlið peysunnar. Stoppunál, prjónamerki, 4 geymslunálar, 10 títuprjónar.

Aðferð: styttar umferðir eru prjónaðar með því að slá bandinu upp á prjóninn og prjóna til baka á röngunni hluta af umferðinni. 

Uppskrift: hún kemur sem PDF niðurhal en er ekki send í pósti.

Kit: Pakkinn inniheldur garn en ekki prjóna eða önnur áhöld. Sendingarkostnaður er ekki innifalinn í verði. Uppskriftin fylgir ekki með prjónapakkanum og þarf að kaupa sér.

Errata: engan villu fannst.ð