Fimmvörðuháls

Þessi grátóna peysa ber nafnið Fimmvörðuháls, en Hélène Magnússon  prjónaði peysuna á meðan hún gekk yfir hálsinn, í einni af prjónagönguferðum hennar, sumarið 2011. Peysan er með hefðbundnu lopapeysu berustykki, en Hélène sækir einnig innblástur til peysufatapeysunnar og útprjónaðra sjala. Það sést á óvenjulegu sniði við olnboga, aðsniðnu mitti og útprjóni á berustykki. Heklaður kantur setur svo fínlegt yfirbragð á peysuna.

pdf

Fimmvörðuháls Uppskrift

6 €

Sagan á bak við uppskriftina

Hélène segir frá
Um hönnuðinn

Peysan ber nafnið Fimmvörðuháls, en hann varð heimsfrægur í eldgosinu í Eyjafjallajökli árið 2010.  Ég prjónaði peysuna sumarið 2011 á göngu yfir hálsinn. Nánar tiltekið í einni af prjónaferðum mínum um Ísland, ferðinni Göngu og prjónaferð yfir Fimmvörðuháls. Ég prjónaði gangandi, alveg eins og gert var í gamla daga þegar enginn tími mátti fara til spillis og konur og karlar prjónuðu gjarna á meðan þau gengu á milli bæja.           

Ég held dokkunni undir handleggnum á meðan ég geng. Nokkrum sinnum missti ég hvíta dokku ofan í svarta öskuna og sýndi þannig öllum samferðamönnum mínum fram á, hvað íslenska ullin hrindir vel frá sér óhreinindum og hvað hún er sterk!

Peysan er í grunninn dæmigerð íslensk lopapeysa. Sú hefð er fremur ný, hún náði hámarki á áttunda áratugnum. En peysan er einnig innblásin af eldri íslenskum prjónahefðum. Sniðið og óvenjulegir olnbogarnir eru ættaðir frá gömlum peysufatapeysum. Blúndan á berustykkinu er létt og kvenleg og minnir á hefðbundin útprjónuð sjöl. Heklaði kanturinn gefur fínlegt yfirbragð, en heklaðir kantar voru einmitt mjög algengir á sjölum hér áður fyrr. Litirnir minna mig á Eyjafjallajökul, þakinn ösku. 

Um hönnuðinn

Hélène Magnússon finnst gaman að bregða á leik með íslenskar prjónahefðir. Hún vann árum saman sem fjallaleiðsögumaður meðfram því að læra textíl- og fatahönnun við Listaháskóla Íslands. Hún hefur tekið þátt í fjölmörgum hönnunarsýningum á Íslandi og erlendis og verk eftir hana hafa verið birt í virtum prjónatímaritum svo og bókum. Hún rekur vefsíðuna prjónakerling.is og bíður einnig upp á spennandi göngu- og prjónaferðir fyrir erlent jafnt sem íslenskt prjónafólk. Ferðirnar eru óviðjafnanlegt tækifæri til þess að kynnast ólíkum prjónaaðferðum í hópi fólks frá mismunandi löndum þar sem prjónið verður aðal tungumálið!

Ull, stærðir & upplýsingar

Uppskriftin

Stærðir

Dömu: XS(S, M, L)XL, XXL, XXXL

Tilbúin mál (peysan er aðskorin)

Yfirvídd: 69(75.5,86.5, 91)102,115.5,124.5 cm

Mitti: 51(57.5,69,73.5) 84.5,98,106.5cm

Lengd bols að handvegi: 37(38,39,41) 43,45,47 cm

Ermalengd að handvegi: 45(46,47,48)49,49,49 cm

Sýnishorn er í stærð M.

Garn: Létt-Lopi, 100% hrein íslensk ull, 50g/dokkan, 50g = u.þ.b.100 m: aðallitur #0051, 6(7,7,8)8,9,9 dokkur; aukalitur 1 #0054,1 dokka; aukalitur 2 #0057, 1 dokka

eða Cascade 220 garn, 100% ull frá Perú, 100g/dokkan = u.þ.b. 200m: aðallitur #8010 3(4,4,4)4,5,5 dokkur; aukalitur 1 #8401 1 dokka; aukalitur 2 #8400 1 dokka

Prjónar: hringprjónar nr 4,5 og 5. Töfralykkju-aðferðin (e. Magic Loop) er notuð til að prjóna ermar og háls en einnig má nota sokkaprjóna. Heklunál 4 mm.

Annað: prjónamerki, stoppunál, 4 geymslunálar

Prjónfesta: 10 x10 cm = 18 L og 24 umf í sléttu prjóni á prjón nr 5. Skiptið um prjónastærð ef þarf, til að ná réttri prjónafestu. 


Aðferð: prjónað í hring, stuttu umferðirnar, bráðabirgðauppfit og fellt af með hekluðum loftlykkjubogum, blúnduprjón

Uppskrift: hún kemur sem PDF niðurhal en er ekki send í pósti.

Kit: Pakkinn inniheldur garn en ekki prjóna eða önnur áhöld. Sendingarkostnaður er innifalinn í verði. Uppskriftin fylgir ekki með prjónapakkanum og þarf að kaupa sér.

Errata: engan villu fannst villu.